Икътисадчы көнбагыш мае кыйммәтләнүе турында кисәтте
Скопировать ссылку
Россиядә көнбагыш мае 2-2,5 процентка кыйммәтләнергә мөмкин. «Татар-информ» хәбәрчесе белән сөйләшүдә мондый фаразны Россия Федерациясе Авыл хуҗалыгы министрының элеккеге урынбасары, икътисад фәннәре докторы Леонид Холод әйтте.
Элегрәк, «Известия» газетасы язганча, 2025 елда көнбагыш мае чыгару 5 процентка кимергә мөмкин.
«Теориядә тәкъдимнәрне 5 процентка кыскарту бәяләрне 2-2,5 процентка үстерү өчен потенциал бирә. Шул ук вакытта әлеге продуктка бәяләрнең кискен артуын көтәргә кирәкми. Әгәр базарда ясалма рәвештә шау – шу кузгатмасалар, бәяләрнең мондый артуы хәтта сизелмәячәк тә», - диде Холод.