Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Икмәк пешерүчеләргә март азагына кадәр субсидия бирелүе көтелә
Оксана Лут быел бер кг икмәккә субсидия 2,5 сум булачагын әйтте.
(Казан, 24 февраль, «Татар-информ», Гөлнар Гарифуллина). Икмәккә бәяләрне тотрыкландыру, җитештерү чыгымнарын компенсацияләү өчен, Россия Авыл хуҗалыгы министрлыгы җитештерүчеләргә субсидия бүлеп бирәчәк.
Бу хакта Татарстан Авыл хуҗалыгы һәм азык-төлек министрлыгының коллегия утырышында РФ авыл хуҗалыгы министрының беренче урынбасары Оксана Лут хәбәр итте.
Ул хәзерге вакытта икмәккә бәяләр үсеше күзәтелгәнен искәртте.
«Икмәк пешерүчеләргә ярдәм йөзеннән һәм ипигә бәяләрне тотрыкландыру өчен, былтыргы ярдәм чараларын кабатлыйбыз, бер килограмм икмәккә субсидия бүлеп бирәчәкбез», — диде Оксана Лут.
Ул былтыр һәр кг икмәккә субсидия 2 сум, быел 2,5 сум булачагын әйтте. «Бу хакта карар инде әзер дип әйтерлек. Март азагына кадәр субсидияләрне төбәкләргә җибәреп, икмәк пешерүчеләргә тапшырылыр дип ышанам», — дип белдерде авыл хуҗалыгы министрының беренче урынбасары.
Кызыклы яңалыкларны күзәтеп бару өчен Телеграм-каналга язылыгыз