Ике такси бәрелешү нәтиҗәсендә Казанның Совет районында зур «бөке» барлыкка килгән
Юл һәлакәте бүген иртән Ершов урамы белән Себер тракты чатында булган.
(Казан, 14 гыйнвар, «Татар-информ», Полина Шевчук). Ике такси бәрелешү нәтиҗәсендә Казанның Совет районында зур «бөке» барлыкка килгән. Бу хакта «Татар-информ» агентлыгына аварияне күргән кешеләр хәбәр итте.
Алар әйтүенчә, юл һәлакәте бүген иртән Ершов урамы белән Себер тыкрыгы чатында булган. Биредә ике такси юлны бүлешә алмаган. Авария нәтиҗәсендә автомобильләр юлның бер өлешен томалаган.
«Себер тракты һәм Ершов урамында – гаять зур «бөке». Ул Академик Арбузов урамыннан ук башлана, шәһәр үзәгенә таба Ветеринария академиясеннән үк диярлек машиналар тезелгән», - дип искәртә авариянең шаһитлары.
Машина йөртүчеләргә әлеге урынны урап узарга киңәш итәләр.