Икътисад 12 октябрь 2016 10:38

Икътисади үсеш министрлыгы өч елда икътисад үсеше фаразлары түбән булачагын белдергән

Киләсе елда үсеш нибары 0,2 процент булыр дип көтелә.

Скопировать ссылку

(Казан, 12 октябрь, «Татар-информ»). Россия Икътисади үсеш министрлыгы якындагы өч елда икътисад үсеше фаразлары түбән булачагын белдергән. Яңартылган мәгълүматлар буенча киләсе елда икътисадны торгызу бик акрын барачак: ведомство бары тик 0,2 процент үсеш фаразлый. Элегрәк министрлык 0,6 процент үсеш көткән иде. Алдагы елларда да фаразлар 0,9 һәм 1,2 процент кына, дип яза «Ведомости».

Фаразлар бюджет комиссиясеннән соң үзгәргән, анда Россия Икътисади үсеш министрлыгыннан Үзәк банкның 2017 елгы максатына (4 процент) туры килүне таләп иткәннәр. Министрлыкның элеккеге фаразлары буенча инфляция бу дәрәҗәгә 2019 елда гына (4,1 процент) чыга иде, ә 2017 елда ведомство 4,9 процент көткән.

Министрлык мәгълүматлары буенча 2017 елда инфляция төшүгә Үзәк банкның катгый сәясәте, кулланучылар ихтыяҗы түбән булу һәм рубль курсы тотрыклану йогынты ясаячак.

#Үзәк банк #Икътисади үсеш министрлыгы

Сәхифәләр

Икътисади үсеш министрлыгы өч елда икътисад үсеше фаразлары түбән булачагын белдергән