Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Икътисадчылар 2020 елда икмәккә һәм яшелчәләргә бәя арту мөмкинлеген әйтте
Халыкның түләү сәләте кимү сәбәпле, яшелчә, икмәк-күмәчкә, йомырка һәм башка авыл хуҗалыгы продуктларына ихтыяҗ даими арта бара, ә бу аларның кыйммәтләнүенә китерә.
(Казан, 6 гыйнвар, «Татар-информ»). Икътисадчылар 2020 елда икмәккә һәм яшелчәләргә бәя арту мөмкинлеген әйтте. Бу хакта РИАНовости хәбәр итә.
Икътисадчылар сүзләренә караганда, халыкның түләү сәләте кимү сәбәпле, база продуктларына (яшелчә, икмәк-күмәч эшләнмәләренә, йомырка һәм башка авыл хуҗалыгы продуктларына) ихтыяҗ даими арта бара, ә бу аларның кыйммәтләнүенә китерә.
Ачык грунтта үскән яшелчәләргә (бәрәңге, чөгендер, кишер, суган — редакция иск.) бәяләр артырга мөмкин. «Ихтыяҗ арзанрак әйберләргә арта», - дип сөйләде Россия халык хуҗалыгы һәм дәүләт хезмәте академиясенең авыл хуҗалыгы азык-төлек сәясәте үзәге директоры Наталья Шагайда.
Аграрийларның сүзләренә караганда, Россиядә уңыш өчен туктаусыз ярыш бара, ул продуктларның сыйфатына тискәре йогынты ясый. Мәсәлән, бодай чәчүлекләре артканнан соң, фермерлар аның сыйфатын яхшыртучы матдәләр сатып алырга мәҗбүр, бу исә икмәк бәясенә тәэсир итә.
Кызыклы яңалыкларны күзәтеп бару өчен Телеграм-каналга язылыгыз