Җиһаншиннар гаиләсе Арчада шәҗәрә фестивалендә Саба данын яклады
Эзмә-Өтернәс авылыннан Җиһаншиннар гаиләсе Арчада «Гаилә тарихында гасыр кайтавазы - тарихта без эзлебез» шәҗәрә фестиваленең зона турында катнашты. Көндәшләре Кукмара, Саба, Теләче, Питрәч, Мамадыш, Биектау, Әтнә, Балтач районнарыннан килгән иде. Гадәттәгечә, башта мәдәният йорты фойесында милли гаилә ризыклары һәм шәҗәрәләрен тәкъдим иттеләр. Бу хакта https://saby-rt.ru/ хәбәр итә.
Күргәзмәдән соң, бәйгенең иҗади өлеше узды. Аннары сәхнәдә бҗйгедә катнашучыларны Арча муниципаль районы башлыгы Илшат Нуриев һәм Татарстанның архив эше буенча Дәүләт комитеты рәисе Гөлнара Габдрахманова сәламләде.
Саба районыннан килгән Җиһаншиннар гаиләсе регламентка сыешулары (7 минут) ягыннан барысын да уздырды.
Барысын да мәртәбәле жюри хәл итте. Бәйге нәтиҗәләре буенча, Балтач районыннан Гаязовлар гаиләсенә 1 урын (100 мең сум), Теләчедән Фәләхиевлар 2 урын (80 мең сум), Сабадан Җиһаншиннар гаиләсе 3 урын (60 мең сум) бирелде.