news_header_top
16+
news_header_bot
news_top

Игорь Комаров Рөстәм Миңнехановны Россия көне белән котлады

Россия Президентының Идел буе федераль округындагы Тулы вәкаләтле вәкиле Игорь Комаров Рөстәм Миңнехановка Россия көне уңаеннан котлау юллаган.

Үзенең мөрәҗәгатендә Комаров илкүләм бердәмлек, буыннар дәвамлылыгы һәм ил тарихына хөрмәт символы буларак бәйрәмнең әһәмиятен ассызыклады.

«Ата-бабаларыбызның данлы традицияләрен саклап, без көчле һәм бәйсез дәүләт төзүне дәвам итәбез. Бөек, яраткан Туган илебездә бер-беребезне хөрмәт итәбез, киләчәк турында уйлыйбыз һәм үткәнне, батырлыклар һәм казанышлар турында истә тотабыз. Безнең көч — патриотлыкта һәм бердәмлектә», - диелә котлауда.

Ул Рөстәм Миңнехановка сәламәтлек, иминлек һәм Ватан өчен яңа уңышлар теләде.

news_right_1
news_right_2
news_bot