news_header_top_970_100
Руc Тат
16+
news_header_bot_970_100
Җәмгыять 10 сентябрь 2021 08:23

«Игелекле эшләр көне» фонды кытай телен өйрәнү буенча бушлай курс башлап җибәрә

Танышу дәресе 23 сентябрь көнне узачак.

Скопировать ссылку

(Казан, 10 сентябрь, «Татар-информ»). «Игелекле эшләр көне» хәйрия фонды Казанда кытай телен өйрәнү буенча бушлай курс оештыра.

Танышу дәресе 23 сентябрьдә узачак, дип хәбәр итә Казан Мэриясе матбугат хезмәте.

Курсның укытучысы инновацияләрне үстерү хезмәте җитәкчесе, «Иннокам» ассоциациясенең проект менеджеры, техник фәннәр кандидаты, талантлар университеты остазы, «Ефәк юл» Кытай югары һәм яңа технологияләр зонасы Ассоциациясе белән хезмәттәшлек координаторы Александр Карташова булачак.

Кереш дәрестә ул тел үзенчәлекләрен ачыкларга ярдәм итәчәк, Кытай турында сөйләячәк һәм илнең тарихы һәм мәдәнияте белән таныштырачак. Дәрестән соң теләүчеләр бушлай укыту курсларына языла алачак, ул октябрь аенда башланачак. Катнашучылар атнага бер тапкыр 7 кешегә кадәр төркемнәрдә шөгыльләнәчәк, дип хәбәр итә фонд матбугат хезмәте.

Танышу дәресен карарга теләүчеләрне 16:00 сәгатьтә Калинин урамы, 3нче йорт адресы буенча көтеп калалар. Дәрес бер сәгать дәвам итәчәк, яшь буенча чикләү — 10 яшьтән. Катнашу бушлай, +7(843)236-65-61 телефоны буенча алдан язылу сорала.

autoscroll_news_right_240_400_1
autoscroll_news_right_240_400_2
news_bot_970_100