Мәдәният 29 октябрь 2009 13:01

«Иделем акчарлагы-2009» конкурсы буенча матбугат конференциясе булачак

Татар телле яшь каләм ияләре арасында үткәрелә торган әлеге иҗади конкурс нәтиҗәләре белән таныштыру өчен, конкурсны үткәрүгә мөнәсәбәте булган вәкаләтле затлар киләчәк

Скопировать ссылку

(Казан, 29 октябрь, «Татар-информ»). Иртәгә сәгать 10да Республиканың матбугат һәм массакүләм коммуникацияләр агентлыгында «Иделем акчарлагы-2009» IX Республика конкурсына багышланганган матбугат конференциясе булачак.

Журналистларны татар телле яшь каләм ияләре арасында үткәрелә торган әлеге иҗади конкурс нәтиҗәләре белән таныштыру өчен, конкурсны үткәрүгә мөнәсәбәте булган вәкаләтле затлар киләчәк. Аерым алганда, конкурсның жюри рәисе – шагыйрь, публицист Газинур Морат, жюри әгъзасы – язучы, драматург Ләбиб Лерон һәм конкурсны оештыру комитетының башкаручы директоры Ләйсән Төхфәтуллина килүе көтелә, дип хәбәр итә әлеге агентлыкның матбугат хезмәтләре белән эшләү һәм җәмәгатьчелек белән элемтәләр буенча бүлеге.

Конкурсны оештыручылардан алынган мәгълүмат буенча, «Иделем акчарлагы-2009» конкурсында җиңү яулаган яшь язучыларны республика башкаласы Казанда ноябрьнең беренче атнасында бүләкләячәкләр.

Сәхифәләр

«Иделем акчарлагы-2009» конкурсы буенча матбугат конференциясе булачак