Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
“Идел йорт” халык театрлары фестиваленә йомгак ясалды
Киләсе елда фестиваль Бөек Җиңүнең 70 еллыгына багышланачак
(Казан, 11 декабрь. “Татар-информ”). 6-24 ноябрь көннәрендә Казанда барган XVI Төбәкара “Идел йорт” халык театрлары фестиваленә йомгак ясалды. Бүләкләү тантансы Г. Камал исемендәге Татар дәүләт академиясендә 8 декабрьдә узды.
Гран-при Кукмара районы Мәдәният йорты каршында оешкан халык театрына бирелде. Алар Туфан Миңнуллин әсәре буенча “Бәйләнчек” спектаклен сәхнәләштергән иде. Кукмаралылар мондый бүләккә инде икенче тапкыр лаек дип табыла, беренче гран-приларын алар 2010 елда алган иде. Автобус сатып алуга сертификат Кукмара муниципаль берәмлеге җитәкчесе Сергей Дмитриев һәм театрның режиссеры Рамил Сәләхетдиновка тапшырдылар.
I дәрәҗә диплом белән Башкортстан Республикасы Дүртөйле Мәдәният йорты халык театры бүләкләнде. Әлеге театрның режиссеры Азамат Гыйльметдинов “Гамлет”ны куйган.
Бүләкләү тантанасыннан соң, гран-прига лаек дип табылган спектакль күрсәтелде.
Киләсе елда узачак “Идел йорт” фестивале Бөек Җиңүнең 70 еллыгына багышланачак, дип хәбәр итә республиканың традицион мәдәниятне үстерү үзәге.
Кызыклы яңалыкларны күзәтеп бару өчен Телеграм-каналга язылыгыз