Идел елгасында адашып йөргән балыкчыга коткаручылар ярдәм иткән
60 яшьлек ир-ат өч сәгать буе кайту юлын эзләгән.
Скопировать ссылку
(Казан, 31 март, «Татар-информ»). Кама Тамагы коткаручылары Идел буйлап юл эзләп йөргән балыкчыга ярдәм иткән. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
«Кичә көндез бер ир-атның Красновидово авылы тирәсенә балык тотарга китүе һәм адашуы турында хәбәр килде. Балыкчы өч сәгать дәвамында юл таба алмый йөргән һәм арып, хәлсезләнә башлаган», – дип сөйләделәр Гадәттән тыш хәлләр министрлыгында.
Коткаручылар һава мендәрендәге көймәдә барып, 60 яшьлек балыкчыны тапканнар һәм аны ярга алып чыкканнар. Коткарылган балыкчыга медицина ярдәме кирәк булмаган.
