news_header_top
16+
news_header_bot
news_top

Идел буе Федераль округында бензин бәясе артты

Казанда А-76 маркалы бензинның уртача бәясе 0,8 процентка артты

(Казан, 18 июнь, «Татар-информ»). Татарстанстат мәгълүматлары буенча, агымдагы атна башында үткән атна белән чагыштырганда Идел буе федераль округының барлык башкалаларында бензинның барлык маркаларына һәм дизель ягулыгына бәяләр арту күзәтелде.
Казанда А-76 маркалы бензинның уртача бәясе 0,8 процентка артты, ә АИ-93,92 – 5,5 процентка, АИ-95 –3,4 процентка, дизель ягулыгы –1,2 процентка.
Иң югары бәяләр Түбән Новгородта - А-76 маркалы бензинның уртача бәясе 17,09 сум һәм АИ-95 (1 литры 21,59 сум), Саранскида АИ-93,92 маркалы бензиннар 19,85 сум), Уфа һәм Саранскида дизель ягулыгының литры 19 сум.
Иң арзан бәяләр Ульяновскида (А-76 - 14,61 сум), Самарада (АИ-92,93 - 17,83 сум), Казанда (дизель ягулыгы 16,53 сум) күзәтелгән.

news_right_1
news_right_2
news_bot