news_header_top_970_100
news_header_bot_970_100

“Идел-Арт-2014” II төбәкара күргәзмәсе эшли башлый

Анда яңа сәнгать әсәрләрен күрергә мөмкин

 (Казан, 22 сентябрь, “Татар-информ”). 24 сентябрь көнне ТР “Хәзинә” Милли сәнгать галереясында “Идел-Арт-2014” дип аталган II төбәкара академия күргәзмәсе эшли башлый. Исеменнән үк күренгәнчә, анда Идел буе сәнгатьчеләренең эшләре урын алачак.

“Идел-Арт” күргәзмәсе рәссамнарга кешене, кешелекне борчыган, бүгенге көн турында үз фикерен әйтергә, күрсәтергә теләгән иҗатчылар өчен менә дигән мәйданчык! Күргәзмәнең тагын бер үзенчәлеге — андагы рәсемнәрнең яңа, ягъни 1-2 ел элек кенә иҗат ителүендә (бу — күргәзмәгә эләгүнең төп шарты булып тора) .

Күргәзмәдә рәсем һәм сынлы сәнгать, скульптура, декоратив кулланма сәнгать һ.б. юнәлештәге әсәрләрне күрергә мөмкин, дип "Татар-информ" аша хәбәр итә аны оештыручылар.

news_right_column_1_240_400
news_right_column_2_240_400
news_bot_970_100