Җәмгыять 19 март 2018 19:24

Җиде яшьлек татар малае Максим Галкин тамашасында осталыгын күрсәтте

Ранил батутта сикерә, янгын сүндерүче булырга, Айга очарга һәм чит планета кешеләре белән танышырга хыяллана.

Скопировать ссылку

(Казан, 19 март, “Татар-информ”). Кичә Беренче каналда Максим Галкинның “Лучше всех" тамашасында Чаллыдан килгән җиде яшьлек Ранил Заһриев чыгыш ясады.

Ранил батутта сикерү белән шөгыльләнә. Ул осталыгын тамашаны алып баручы Максим Галкинга күрсәтте. Ранилне хуплап, тапшыруга батутта сикерү буенча Олимпиада чемпионы Александр Москаленко килгән.

Ранил янгын сүндерүче булырга хыяллануын, аларның өч көн ял итүе турында сөйләде. Шулай ук аның Айга очарга һәм чит планета кешеләре белән танышырга да теләге бар икән.

Искәртеп үтик, "Лучше всех" тамашасында Казаннан алты яшьлек математик Александр Мишагин катнашкан иде. Чыгышы вакытында ул, уйда гына алты урынлы саннарны икегә тапкырлап, шаккаттырды.

#максим галкин #беренче канал

Сәхифәләр

Җиде яшьлек татар малае Максим Галкин тамашасында осталыгын күрсәтте