Иҗтимагый туклану рестораны быел яңа төрле өчпочмаклар тәкъдим итәчәк
Ресторанда гөмбәле, диңгезпродуктлы, яшелчәле, эремчекле өчпочмаклар һәм өчпочмак фри сатылачак.
Скопировать ссылку
(Казан, 31 май, “Татар-информ”, Динә Йосыпова). Иҗтимагый туклану рестораны быел яңа төрле өчпочмаклар тәкъдим итәчәк. Ресторанда гөмбәле, диңгезпродуктлы, яшелчәле, эремчекле өчпочмаклар һәм өчпочмак фри сатылачак. Бу хакта “Татар-информ” мәгълүмат агентлыгында үткән татар рестораторлары катнашындагы матбугат конференциясендә “Түбәтәй” хәләл тиз туклану рестораннар челтәре җитәкчесе Солтан Сафин әйтте.
“Без бик күп әйбер ясыйбыз. Бездә татар стилендәге туңдырмалар да бар, татарча кофе да бар. Ул кофе хәлвә белән бик тәмле итеп ясала”, - диде Солтан Сафин.