Җәмгыять 12 гыйнвар 2020 17:11

Иҗтимагый палатада озын ялларның файдасы турында сөйләделәр

Бәйрәм көннәрен кыскартырга кирәк түгел, кеше робот режимында эшләсә, бернинди җитештерүчәнлек тә булмаячак, диелгән хәбәрдә.

Скопировать ссылку

(Казан, 12 гыйнвар, «Татар-информ»). Озын бәйрәмнәр күп кенә кешеләргә көндәлек эш белән бәйле булмаган эшләр белән шөгыльләнү өчен мөмкинлек бирә. Бу хакта Иҗтимагый палатаның иҗтимагый контроль һәм иҗтимагый советлар белән үзара хезмәттәшлек комиссиясе рәисенең беренче урынбасары Артем Кирьяновка сылтама белән РИА Новости хәбәр итә.

«Озын бәйрәмнәр күп кенә кешеләргә көндәлек эш белән бәйле булмаган эшләр һәм үз-үзең белән шөгыльләнү өчен яхшы мөмкинлек. Һәрвакыт ике фикер бар: бәйрәмнәрне калдырырга яки калдырмаска кирәк, яисә 31 декабрьдә эшләргә яки эшләмәскә кирәк», - диде Кирьянов РИА Новостига.

Май бәйрәмнәренә килгәндә, палата әгъзасы сүзләренә караганда, бу тема тагын да актуальрәк.

«Күпләр башка төбәкләргә, диңгезгә, башка илләргә ял итәргә китә. Күпләр бакчаларында эшли. Бу кешеләрнең психологик сәламәтлеге өчен мөһим. Кыскартырга кирәк түгел. Кеше робот режимында эшләсә, бернинди җитештерүчәнлек тә булмаячак. Яңа ел һәм май бәйрәмнәре дә моннан китәргә булыша», - диде Кирьянов.

#яллар

Сәхифәләр

Иҗтимагый палатада озын ялларның файдасы турында сөйләделәр