Җәмгыять 4 май 2018 03:00

Җиңүнең 73 еллыгына Әгерҗедә 73 агач утырттылар

Быел әлеге чара кысаларында районда 2300 данәдән артык нарат, спирея, миләш, каен үсентеләре утыртыла.

Скопировать ссылку

(Әгерҗе, 4 май, “Татар-информ“, "Әгерҗе хәбәрләре", Мария Нуруллина). Урман утырту көненә әгерҗелеләр дә бик теләп кушылдылар. Ул районда 3-4 майда уза, дип яза җирле басма.

Быел әлеге чара кысаларында районда 2300 данәдән артык нарат, спирея, миләш, каен үсентеләре утыртыла.

Әгерҗелеләр Бөек Җиңүнең 73 еллыгына агач утырту белән бәйле тагын бер матур акция уздырдылар. Шәһәргә керү юлындагы стела тирәсенә 73 нарат үсентесе утырттылар. Әлеге изге эшне район хакимияте хезмәткәрләре башкарды.

–Бу агачлар матур гына үсеп китәрләр дип өметләнәбез. Алар киләчәк буынга матур истәлек булачак, – диделәр алар.

#Әгерҗе хәбәрләре

Сәхифәләр

Җиңүнең 73 еллыгына Әгерҗедә 73 агач утырттылар