news_header_top_970_100
news_header_bot_970_100

“Хуш киләсең!..” кабат эфирга кайта

Бу юлы ул язның беренче бәйрәме-Халыкара хатын-кызлар көненә багышлана

Казан, 1март, “Татар-информ”). Узган ел ахырында“Татарстан-Яңа гасыр” каналында “Хуш киләсең!..” тапшыруы тәүге тапкыр эфирга чыккан иде. Ул чагында атна дәвамында барган тапшыру яңа елга әзерлек мәшәкатьләренә багышланды. Якынлашып килүче Халыкара хатын-кызлар көне уңаеннан тапшыру кабат эфирга чыга башлый.
Телеканалның җәмәгатьчелек белән элемтәләр хезмәтеннән хәбәр итүләренчә, “Хуш киләсең!..” 1нче,2нче,3нче,4нче,5нче,6 нчы һәм 8 нче март көннәрендә 17 сәгать 55 минутта эфирга чыгачак. Тапшыруны туры эфирда тамашачылар “Хәерле иртә!” аша яратып өлгергән Илдар Кыямов,Гөлназ Рәхмәтуллина, Эльнар Яркәев, Люция Нотфуллина, Раил Өметбаев һәм Роза Әдиятуллина алып барачак.
Бу юлы “Хуш киләсең!..” тапшыруының кунаклары – республикабызның танылган гүзәл затлары булачак. Алар арасында РФ Дәүләт Думасы депутаты Гөлнара Сергееваны, Россиянең атказанган, Татарстанның халык артисты Исламия Мәхмүтованы, табибә Наилә Гайнанованы һ.б. күрергә мөмкин.


news_right_column_1_240_400
news_right_column_2_240_400
Медиаметрикс
news_bot_970_100