Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Пенза шәһәр администрациясе бинасында беренче тапкыр ифтар уздырганнар
25 апрельдә Пенза шәһәр администрациясе ашханәсендә ифтар үткәргәннәр. Чара Пенза өлкәсе татар автономиясе һәм Бөтендөнья татар конгрессы ярдәмендә оештырылган.
«Шәһәр администрациясе бинасында тарихта беренче мәртәбә ифтар уздырылды. Авыз ачу алдыннан дин әһелләре тарафыннан азан әйтелде, Коръән укылды. Саратов өлкәсе мөфтие Мөкаддәс Бибарсовның татар һәм рус телләрендә ясаган чыгышы бик күпләрнең күңеленә хуш килде. Автономия рәисе Җиһанша Туктаров та чыгыш ясады», - дип сөйләде «Татар-информ» хәбәрчесенә тарихны өйрәнүче, Пенза өлкәсе татар автономиясе башкарма комитет әгъзасы Кадир Акъегет.
Ифтарга шулай ук Бөтендөнья татар конгрессы Башкарма комитеты җитәкчесе Данис Шакиров, Пенза өлкәсе Диния нәзарәте рәисе Ислам хәзрәт Дашкин, Хәбибҗамал Тенишева исемендәге мәдәни үзәк җитәкчесе Рәшид Куряев, Пенза өлкәсе районнарында эшләп килүче татар мәдәнияте җәмгыятьләренең җитәкчеләре , «Ак калфак» оешмасы җитәкчеләре килгән иде.
Кызыклы яңалыкларны күзәтеп бару өчен Телеграм-каналга язылыгыз