Спорт 12 июль 2018 09:18

Хорватия футбол буенча Дөнья чемпионаты финалында Франция белән уйный

Англия җыелмасы өченче урын өчен матчта Бельгия командасы белән очраша.

Скопировать ссылку

(Казан, 12 июль, «Татар-информ», Сергей Гаврилов). Футбол буенча Дөнья чемпионатының Мәскәүдә узган ярым финал матчында Хорватия җыелмасы өстәмә вакытта Англия командасын 2:1 исәбенә отты. Шул рәвешле, 15 июльдә финалда Франция һәм Хорватия командалары очраша.

Хорватия футболчылары төркем этабында искиткеч яхшы чыгыш ясады, мөмкин булган 9 очко туплады һәм Аргентина җыелмасын 3:0 исәбе белән тар-мар итте.

14 июльдә Санкт-Петербургта Англия җыелмасы өченче урын өчен матчта Бельгия командасы белән очраша. 15 июльдә исә Мәскәүнең Лужники стадионында Франция - Хорватия матчында 2018 елгы дөнья чемпионы ачыкланачак.

Хорватия – Англия – 2:1 (0:1, 1:0, 0:0, 1:0).

#чемпионат #финал матчы #хорватия

Сәхифәләр

Хорватия футбол буенча Дөнья чемпионаты финалында Франция белән уйный