Һиндстанның Генераль консулы: Быел Казанда узачак TIME форумы күпкә масштаблырак булачак
Скопировать ссылку
Татарстан башкаласында узачак «TIME: Россия – Һиндстан. Үзара нәтиҗәлелек» бизнес-форумы күпкә масштаблырак булачак. Бу хакта «Татар-информ» агентлыгына Һиндстанның Казандагы Генераль консулы Джейсундхар Д. сөйләде.
«Быелгы форум күпкә масштаблырак булачак: Һиндстаннан компанияләр күбрәк киләчәк, очрашулар үткәреләчәк һәм килешүләр төзеләчәк. Моннан тыш, без шәһәр югары уку йортлары арасында крикет турниры да оештырачакбыз», – диде агентлык әңгәмәдәше.
Быел «TIME: Россия – Һиндстан. Үзара нәтиҗәлелек» бизнес-форумы Казанда 15 һәм 16 октябрьдә узачак.