Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Хезмәтне саклау нормаларын бозган өчен Госстройнадзор 8,8 млн сумлык 214 карар чыгарган
Шуның икесе Универсиада объектларына кагыла
(Казан, 4 май, “Татар-информ”, Люция Камалова). Агымдагы ел башыннан ТР Дәүләт төзелеш күзәтчелеге инспекциясе төзелеш процессында катнашучыларга карата хезмәтне саклау кагыйдәләрен һәм нормаларын бозган өчен 8 млн 807 мең сумлык 214 карар чыгарган. Бу хакта бүген ТР Хөкүмәте йортында Президент Рөстәм Миңнеханов рәислегендә узган республика киңәшмәсендә ТР төзелеш, архитектура һәм торак-коммуналь хуҗалык министры Ирек Фәйзуллин хәбәр итте.
3 млн 460 мең сумлык 86 карар инвестицион һәм индивидуаль торак төзелеше объектларына кагыла. 749 мең сумлык 20 карар социаль ипотека йортлары буенча чыгарылган. 120 мең сумлык 2 карар Универсиада объектларына карый. Бүгенге көндә республикада 53 карар буенча 2 млн 642 мең сумлык штраф түләтелгән.
Ирек Фәйзуллин республикада санитар-экологик ике айлык дәвам итүен дә искәртте. Чисталыкны саклау өчен, һәр чәршәмбедә төзелеш мәйданнарында “Чиста төзелеш” дигән чара уздырыла. Аның максаты – территорияне чистарту гына түгел, хезмәтне саклауга кагылышлы кагыйдә һәм нормаларны үтәү дә. Бүгенге көндә Дәүләт төзелеш күзәтчелеге инспекциясе 78 хокук бозу очрагын ачыклап, 29 административ беркетмә тутырган.
Кызыклы яңалыкларны күзәтеп бару өчен Телеграм-каналга язылыгыз