news_header_top_970_100
news_header_bot_970_100

Хезмәт пенсияләре гражданнарның пенсиягә хокукларын яңадан бәяләү юлы белән исәпләнәчәк

«Түгәрәк өстәл» утырышында РФ Пенсия фондының ТР буенча идарәчесе урынбасары Асия Вәлиуллина шул хакта шәрехләде

(Казан, 30 октябрь, «Татар-информ», Миләүшә Низаметдинова). 2010 елның 1 гыйнварыннан Татарстанда Пенсия фондының территориаль органнары хезмәт пенсияләрен гражданнарның пенсиягә хокукларын яңадан бәяләп исәпләячәк. Пенсиягә чыгу хокукына 5 ел иминият стажы булган затлар да ия, чөнки 2002 елдан ук пенсия күләмен стаж белән хезмәт хакы түгел, ә иминият взнослары барлыкка китерә дип законда каралды, пенсия күләме исә – икенче мәсьәлә, дип белдерде бүген «Бердәм Россия» сәяси партиясе региональ Советында РФдә пенсияләр турындагы законнарга багышлап үткәрелгән «түгәрәк өстәл» утырышында РФ Пенсия фондының ТР буенча идарәчесе урынбасары Асия Вәлиуллина.

 Һәр гражданинның пенсия хокуклары хезмәт стажы буенча индивидуаль исәпләнә һәм 1991 елга кадәр һәр ел саен 1 процент, 1991 елдан 2002 елга кадәр хезмәт пенсиясенең иминият өлешенә 10 процент өстәлә, 2002 елдан пенсия база һәм иминият өлешләрдән тора, ә инде 2010 елдан шуларга өченчесе – туплам өлеше (накопительная часть) кушып санала.  

 Утырышны алып барган региональ Совет башлыгы Валентина Липужина сүзләренчә, 5 ноябрьдә ТР Дәүләт Советында пенсионерлар өчен яшәү минимумы каралырга тиеш һәм ул әлегә 3696 сум дип билгеләнә, димәк, пенсионерларның пенсиясе регионда чыгарылган законда каралганнан ким була алмый. Хәзерге вакытта матди тәэмин итүчесе булмаганга 1,5–2 мең сум пенсия алган балалар, эшләмәүче III группа инвалидлар бар, яшәү минимумы 3696 сум дип закон кабул ителсә, алар өчен бу бик отышлы булачак, дип искәртте А.Вәлиуллина да.

 

news_right_column_1_240_400
news_right_column_2_240_400
news_bot_970_100