Җәмгыять 9 февраль 2017 20:35

Хезмәт хакын тоткарлаган эш бирүчеләр ирегеннән мәхрүм ителә

Хезмәт хакын түләргә ашымаган эш бирүчеләргә карата кузгатылып, төгәлләнгән җинаять эшләре үткән ел шактый арткан.

Скопировать ссылку

(Казан, 9 февраль, “Татар-информ”). Хезмәт хакын вакытында түләмәгән берничә йөз эш бирүче ирегеннән мәхрүм ителде, дип белдергән Хезмәт һәм халыкны эш белән тәэмин итү федераль хезмәте башлыгы Всеволод Вуколов. Бу хакта “Российская газета” хәбәр итә.

Ул хезмәт хакын түләргә ашыкмаган эш бирүчеләргә карата азагына җиткерелгән җинаять эшләре үткән ел шактый арткан дип искәрткән. 2015 елда мондый очраклар күпкә азрак булган.

Үткән ел Хезмәт һәм халыкны эш белән тәэмин итү федераль хезмәте ярәмендә Россия хезмәткәрләренә 25 млрд. сум акча түләнгән. Бу җәмгыятьтә тынычлыкны сакларга ярдәм иткән.

Шулай ук Всеволод Вуколов канун проектына төзәтмәләр кертү мөмкинлеге дә тикшерелә дип белдергән. Ягъни предприятие банкрот булгач, иң беренче чиратта хезмәткәрләрнең хезмәт хакы түләнәчәк, бары шуннан соң гына салым бурычлары капаланчак. Һәрхәлдә, профсоюзлар кануннарга шушы төзәтмәләрне кертү сүзендә тора.

#профсоюз #Всеволод Вуколов #эш бирүче

Сәхифәләр

Хезмәт хакын тоткарлаган эш бирүчеләр ирегеннән мәхрүм ителә