Кукмара районының Пчеловод һәм Ядегәр авылларында табиб амбулаториясе ачылды
Фельдшер-акушерлык пункты һәм табиб амбулаториясе тулысынча җиһазландырылган.
(Казан, 31 декабрь, «Татар-информ»). Пчеловод һәм Ядегәр авылларында фельдшер-акушерлык пункты һәм табиб амбулаториясен ачу Кукмара муниципаль районы авылларында яшәүчеләр өчен чын Яңа ел бүләге булды. Бу турыда Татарстан Сәламәтлек саклау министрлыгының матбугат хезмәте хәбәр итте.
Яңа медицина объектларында авыл халкына беренчел медик-санитар ярдәм күрсәтү өчен уңайлы шартлар тудырылган. Фельдшер-акушерлык пунктында һәм табиб амбулаториясендә кирәкле мебель һәм медицина җиһазлары барысы да урнаштырылган.
Тантанада район башлыгы Сергей Димитриев һәм Татарстан Республикасы Дәүләт Советы депутаты Р.А.Ратникова катнашты, диелә хәбәрдә.ю