Татарстанда коронавирусның 94 яңа очрагы ачыкланган
Владимир Жаворонков сүзләренчә, республика халкы коронавирус шартларында яшәргә күнеккән инде.
(Казан, 30 декабрь, «Татар-информ», Гөлнар Гарифуллина). Татарстанда соңгы тәүлектә коронавирусның 94 яңа очрагын ачыклаганнар. Бу хакта «Татар-информ» агентлыгында матбугат конференциясендә Роспотребнадзор хезмәтенең Татарстан буенча җитәкчесе урынбасары Любовь Авдонина хәбәр итте.
Аның сүзләренчә, covid-19 авыруының барлыгы 13 мең 189 очрагы теркәлгән. Соңгы тәүлектә коронавируска 8 мең 182 тест ясалган..
Татарстан сәламәтлек саклау министры урынбасары Владимир Жаворонков сүзләренчә, республика халкы коронавирус шартларында яшәргә күнекте инде, моңа гадәти әйбергә кебек карый. Ул бер тәүлектә коронавирустан 20 кеше дәваланып тернәкләнгәнен әйтте.