Җәмгыять 30 декабрь 2019 10:00

Табиб D витаминының зыяны турында кисәтә

Препаратны кандагы кальций дәрәҗәсен контрольдә тотканда гына кабул итәргә мөмкин.

Скопировать ссылку

(Казан, 30 декабрь, «Татар-информ»). D витамины бөерләр өчен зыянлы булырга мөмкин. Бу хакта Мәскәүнең 2нче клиник хастаханәсенең нефрология буенча баш табибы урынбасары Надия Фролова «Говорит Москва» радиостанциясе эфирында искә төшерде.

Кальций кебек үк D витамины да бөерләргә авыр йогынты ясавы ихтимал. Ике матдә дә гиперкальцемиягә, ягъни кальций күләме нормадан артуга китерергә мөмкин, диде белгеч.

Шуңа күрә, Россиядә яшәүчеләр «кояш бик аз булган климат»та яшәсәләр дә, аларга вазгыятьне медикамент юл белән төзәтергә омтылуда сак булырга кирәк.

«Әгәр сез D витамины эчәсез икән, кальций дәрәҗәсен күзәтергә кирәк», — диде табиб-нефролог.

#табиб #витаминнар

Сәхифәләр

Табиб D витаминының зыяны турында кисәтә