Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Кама сәламәтлек саклау идарәсе җитәкчесе үз вазифасыннан китте
Венера Рәшит кызы әлеге вазифаны 2015 елдан бирле башкарган.
(Казан, 30 октябрь, «Татар-информ»). Түбән Кама сәламәтлек саклау идарәсе җитәкчесе Венера Рәхимова, яшәү урынын үзгәртү сәбәпле, үз эшеннән китте. Айдар Метшин аңа сәламәтлек тармагында озак еллар нәтиҗәле хезмәте өчен рәхмәт сүзләрен җиткерде. Бу турыда Түбән Кама муниципаль районы рәсми сайтында хәбәр ителә.
Венера Рәшит кызы әлеге вазифаны 2015 елдан бирле башкарган.
«Хезмәтегез һәм ихлас мөнәсәбәтегез өчен рәхмәт. Сезгә киләчәктә дә уңышлар телибез», — диде Айдар Метшин.
Венера Рәхимова медицинада үз юлын 1998 елда участок терапевты булып башлый. 2014 елда аны район үзәк хастаханәсенең баш табибы урынбасары итеп билгелиләр һәм ул 2нче яңа хастаханәне төзекләндерү буенча зур эш башкара, аны җиһазлау белән шөгыльләнә һәм мәгълүмати технологияләр — электрон документ әйләнеше, электрон амбулатория картасын кертә.
Венера Рәхимованы 2015 елда Түбән Кама сәламәтлек саклау идарәсе җитәкчесе итеп билгелиләр. Ул барлык медицина оешмаларын заманча диагностика һәм дәвалау җиһазлары белән тәэмин итү өчен тырышты.
Ул эшләгән елларда Түбән Кама районы муниципаль учреждениеләр рейтингында алдынгы урыннарда торды, дип хәбәр итә сәламәтлек саклау идарәсенең матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз