Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда бер миллион ярым кеше ковидка каршы вакцина ясаткан
«Без барыбыз да вакцинация узарга һәм, барыннан да элек, үзебез һәм якыннарыбыз турында уйларга тиеш. Сәламәтлек — ул бик мөһим!» — диде Юлия Сабирова.
(Казан, 29 октябрь, «Татар-информ»). Татарстанда яңа коронавирус инфекциясенә каршы республиканың бер миллион биш йөзенче кеше прививка ясаткан. Ул — Казанда яшәүче 26 яшьлек Юлия Сабирова.
Кыз прививканы кичә, аның сүзләренчә, йорты янында урнашкан «Мега»да вакциналаштыру пунктында ясаган. Бу турыда Татарстан Сәламәтлек саклау министрлыгы хәбәр итә.
Юлиянең әнисе, әбисе һәм бабасы коронавирус инфекциясен кичергән, бабасы әле дә хастаханәдә, әмма төзәлүгә бара. Юля үз сәламәтлеге турында кайгыртып, привика ясатырга карар иткән.
«Минемчә, һәркемнең сайлау мөмкинлеге булырга тиеш, ләкин без барыбыз да вакцинация узарга һәм, барыннан да элек, үзебез һәм якыннарыбыз турында уйларга тиеш. Сәламәтлек — ул бик мөһим!» — диде Юлия Сабирова.
29 октябрь иртәсендә Татарстанда барлыгы 1 526 214 кеше вакциналаштырылган, шуларның 1 024 658е икенче прививка алган, диелә хәбәрдә.
Яңалыкларны күзәтеп бару өчен Макс-каналга язылыгыз