АКШта коронавирус авыруыннан 2 меңнән артык кеше вафат булган

Әлеге чирне йоктыручылар саны 121 117 кешегә җиткән.

(Казан, 29 март, «Татар-информ»). АКШта коронавирус авыруыннан 2 меңнән артык кеше вафат булган. Бу хакта ТАСС агентлыгы хәбәр итә.

Джонс Хопкинс университеты, ил Хөкүмәте, Бөтендөнья сәламәтлек саклау оешмасы һәм башка рәсми чыганакларның белешмәләренә таянып, шундый мәгълүматлар китерә.

Университет мәгълүматлары буенча, шимбә киченә АКШта яңа төрдәге COVID-19 коронавирусыннан үлүчеләр саны — 2010, әлеге чирне йоктыручылар саны 121 117 кешегә җиткән.