Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Табиблар Таиланд һәм Балидан кайткан татарстанлыларда коронавирус инфекциясе тапмаган
Чит илдән кайткан барлык туристлар Казан янындагы шифаханәләргә карантинга озатылган.
(Казан, 28 апрель, «Татар-информ»). Таиланд һәм Балидан кайтканнан соң карантинга озатылган татарстанлыларның яңа төрдәге Covid-19 коронавирус инфекциясенә үткәрелгән тестлары тискәре нәтиҗә күрсәткән. Дубайдан кайтучыларның нәтиҗәләре әлегә билгеле түгел. Татарстан Президентының матбугат хезмәте җитәкчесе Лилия Галимова шулай дип белдерде.
«Карантинда утыручы татарстанлыларга бәйле вазгыять мондыйрак: Балидан кайткан 27 кешенең барысының да беренчел нәтиҗәләре тискәре, Дубайдан кайтучыларның нәтиҗәләре әле әзер түгел», — диде Галимова.
Аның сүзләренчә, Таиландтан кайтучыларның коронавируска кабат үткәргән тестлары тискәре нәтиҗә күрсәткән.
Берләшкән Гарәп Әмирлекләре һәм Балига ял итәргә киткән татарстанлылар Россиягә 26 апрельдә кайтты. Аңа кадәр 10 көн алдан Таиландтан бер төркем туристлар кайтып төште. Аларның барысын да «Ливадия» һәм «Васильево» шифаханәләренә карантинга озаттылар.
Кызыклы яңалыкларны күзәтеп бару өчен Телеграм-каналга язылыгыз