Роспотребнадзорда коронавируска шикләнгәндә нәрсә эшләргә икәнлеге турында сөйләделәр

Авыруны аерым бүлмәдә изоляцияләргә кирәк.

(Казан, 28 февраль, «Татар-информ»). Коронавируска шик төшкән очракта авыруны аерым бүлмәдә изоляцияләргә һәм ашыгыч ярдәм яки табиб-терапевт чакыртырга кирәк. Мондый киңәшне Россия кулланучылар күзәтчелегенең (Роспотребнадзор) матбугат хезмәтендә бирделәр. Бу хакта РИА Новости хәбәр итә.

Авыручыдан ким дигәндә бер метр ераклыкта торырга, ә иң яхшысы аңа аерым бүлмә бирергә кирәк.

Килгән табиб, кирәк булганда, авырудан анализны шунда ук алачак, аны Роспотребнадзор оешмасына Covid-2019 диагностикасы өчен җибәрәчәк.

Элегрәк «Татар-информ» Бөтендөнья сәламәтлек саклау оешмасының Россиянең коронавируска агрессив алымын хуплавын хәбәр иткән иде.