Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Роспотребнадзорда мәктәптә коронавирус таралган очракта нишләргә икәнен аңлаттылар
Укучыда яңа коронавирус инфекциясе ачыкланса, сыйныфтагы бөтен балалар дистанцион белем алуга күчәчәк.
(Казан, 27 август, «Татар-информ», Эвелина Киселёва). Әгәр Татарстан мәктәбендә укучы бала яңа коронавирус инфекциясе белән авырса, сыйныфтагы бөтен балаларны, ә инде укытучы бу чирне йоктырса, аның белән аралашкан барлык педагогларны өйләренә кайтарып җибәрәчәкләр. Роспотребнадзорның ТР буенча идарәсе башлыгы урынбасары Любовь Авдонина «Татар-информ» агентлыгында узган матбугат конференциясендә шулай дип белдерде.
«Әгәр баланың яңа коронавирус инфекциясе йоктыруы расланса, сыйныфтагы бөтен балалар дистанцион белем алуга күчәчәк. Ә инде укытучы авырып китсә, бу очракта без һәр конкрет очрак буенча аерым эшләячәкбез», - дип искәртте спикер.
Авдонина аңлатып үткәнчә, әгәр башлангыч сыйныфлар укытучысы коронавирус йоктырса, ул карантинга озатылачак, шулай ук аның белән аралашкан мөгаллимнәр төркеме дә билгеләнәчәк.
«Әгәр ул, әйтик, өлкән сыйныфларда укыта һәм төрле класслар буенча йөри, дәрес бирә икән, бу очракта да, контактның дәрәҗәсенә карап, әлеге мәсьәлә шәхси нигездә хәл ителәчәк», - дип искәртте эксперт.
«Татар-информ» агентлыгы элегрәк хәбәр иткәнчә, Татарстан буенча Роспотребнадзор идарәсендә яңа төрдәге Covid-19 коронавирус инфекциясе таралу аркасында кертелгән санитар кагыйдәләр гамәлдә булган шартларда мәктәпләргә ничек эшләргә икәнлеген аңлатканнар иде.
Кызыклы яңалыкларны күзәтеп бару өчен Телеграм-каналга язылыгыз