Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда Covid-19 белән зарарлануның 70 яңа очрагы ачыкланган
Инфекцияле кешеләр арасыннан 18е хастаханәгә салынган, калганнары өйдә дәвалана.
![Татарстанда Covid-19 белән зарарлануның 70 яңа очрагы ачыкланган](https://tatar-inform.tatar/resize/shd/images/uploads/news/2020/4/27/01fea75c423b064325af011b9ab5ee02e168bfefbf50b7952374a4d314bc.jpg)
(Казан, 27 апрель, «Татар-информ»). Татарстанда тәүлек эчендә Covid-19 коронавирус инфекциясенең 70 яңа очрагы теркәлгән. Бу хакта ТР Президенты матбугат хезмәте җитәкчесе Лилия Галимова хәбәр итте.
«Унсигез кеше хастаханәгә салынды, 52 кеше өйдә дәвалана (аларда авыруның җиңел яки симптомсыз формасы) », – дип аңлатты агентлык әңгәмәдәше.
Шул ук вакытта, Галимова сүзләренә караганда, 11 очрак читтән кертелгән, ә 59ы элемтә аша йоктырылган.
Авыручыларның җидесе балигъ булмаганнар, 18 яшьтән 30 яшькә кадәр 11 кеше, 28е – 30дан 50 яшькә кадәргеләр, 16сы – 50дән 60 яшькә кадәр, алтысы – 60тән 70кә кадәр һәм 70тән 80 яшькә кадәрге ике кеше.
Инфекцияле кешеләр аеруча Казанда күп ачыкланган – Татарстан башкаласында 31 кеше авырган. Чаллыда – биш, Лаеш һәм Теләче районнарында – дүртәр, Балтач, Биектау, Яшел Үзән, Кукмара һәм Түбән Кама районнарында – өчәр, Питрәч районында – ике, Әгерҗе, Аксубай, Арча, Әтнә, Буа, Чүпрәле, Лениногорск, Тукай һәм Чистай районнарында берәр очрак ачыкланган.
Савыкканнан соң барлыгы 75 кеше хастаханәдән чыгарылган.
Кызыклы яңалыкларны күзәтеп бару өчен Телеграм-каналга язылыгыз