Татарстанга Испаниядән коронавирус йоктырып кайткан кешене хастаханәгә яткырганнар

Авыруның хәле канәгатьләнерлек.

(Казан, 27 март, «Татар-информ»). Татарстанда Covid-19 коронавирус инфекциясен йоктыруның тагын бер очрагы теркәлгән. Инфекция йоктырган кеше Россиягә Испаниядән килгән. Бу хакта «Татар-информ»га ТР Президенты матбугат хезмәте җитәкчесе Лилия Галимова хәбәр итте.

«Әлеге пассажир Россиягә — Испаниядән, ә Казанга Мәскәү аша килгән. Хәзер ул хастаханәдә. Хәле канәгатьләнерлек. Югары температура күзәтелми», — диде Галимова.

Татарстанда коронавирус йоктырган кешеләрнең саны 11гә җитте.