Җәмгыять 26 март 2021 11:24

Татарстанда тагын 40 кеше коронавирус инфекциясе йоктырган

Республикада бер тәүлек эчендә 44 кеше коронавирустан терелгән.

Скопировать ссылку

(Казан, 26 март, «Татар-информ», Эвелина Киселёва). Татарстанда соңгы тәүлектә Covid-19 коронавирус инфекциясе йоктыруның 40 яңа очрагы ачыкланган.

Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина «Татар-информ» агентлыгында узган матбугат конференциясендә белдергәнчә, узган тәүлектә республикада яңа коронавирус инфекциясенең 40 очрагы теркәлгән.

«Шул рәвешле, инфекция йоктырган кешеләрнең гомуми саны 19 235кә җитте», — диде спикер.

Татарстанның баш санитар табибы урынбасары сүзләренчә, бер тәүлектә белгечләр коронавируска 7,8 мең тест үткәргән, республикада барлыгы 2,1 миллионнан артык кеше әлеге процедураны узган.

ТР сәламәтлек саклау министры урынбасар Владимир Жаворонков республикада 16 меңнән артык кешенең (шуларның 44е — узган тәүлектә) коронавирустан терелүен әйтте.

Сәхифәләр

Татарстанда тагын 40 кеше коронавирус инфекциясе йоктырган