Җәмгыять 26 гыйнвар 2022 13:47

Татарстанда коронавирус йоктыру очраклары буенча яңа антирекорд куелды

Җиде кеше авыруны республикадан читтә йоктырган, калганнар барысы да авыручылар белән элемтәдә булу нәтиҗәсе, дип хәбәр итә Татарстан Сәламәтлек саклау министрлыгының матбугат хезмәте.

Скопировать ссылку

(Казан, 26 гыйнвар, «Татар-информ»). Татарстанда соңгы тәүлектә тагын 367 кеше коронавирус йоктырган.

Җиде кеше авыруны республикадан читтә йоктырган, калганнар барысы да авыручылар белән элемтәдә булу аркасында авырган, дип хәбәр итә Татарстан Сәламәтлек саклау министрлыгының матбугат хезмәте.

«37 кеше хастаханәдә, 330 кеше өйдә дәвалана», — диелә хәбәрдә.

Яңа авырый башлаучыларның күбесе Казаннан — биредә авыруның 213 очрагы ачыкланган. Чаллыда 34 кеше авырый. Районнар арасында иң күп авыручылар саны Яшел Үзән (14), Чистай (13) һәм Тукай (11) районнарында теркәлгән.

Пандемия башланганнан бирле коронавирус белән барлыгы 46,2 мең кеше авырган, 38,5 мең кеше сәламәтләнгән.

2 371 560 кеше вакцина ясаткан, 1 884 142 се аның ике компонентын да кадаткан. 176 732 кеше вакцинацияләүдә икенче тапкыр катнашкан.

Сәхифәләр

Татарстанда коронавирус йоктыру очраклары буенча яңа антирекорд куелды