Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда тагын 167 кеше коронавирус йоктырган
2021 елның 25 октябренә булган мәгълүматлар нигезендә, төбәктә пандемия башланганнан бирле авыруның рәсми рәвештә 29 707 очрагы расланган.
(Казан, 25 октябрь, «Татар-информ»). Татарстанда узган тәүлек эчендә Covid-19 коронавирусының яңа очраклары рекордлы санда теркәлгән — 167 кеше чир йоктырган. Ике очракта авыру читтән кертелгән, зарарланучыларның калганнары чирне элемтә юлы белән йоктырган. Бу хакта ТР Сәламәтлек саклау министрлыгының матбугат хезмәте хәбәр итә.
«Утыз тугыз кеше хастаханәгә урнаштырылды, 128е өйдә дәвалана», — диделәр ведомствода.
Авыручыларның күбесе Казанда теркәлгән, анда 104 кеше чир йоктырган. Чаллыда авыруның 19 очрагы билгеләнгән, ә Түбән Кама районында — тугыз. Инфекция алучылар республиканың 16 муниципалитетында ачыкланган.
Шулай итеп, 2021 елның 25 октябренә булган мәгълүматлар нигезендә, төбәктә пандемия башланганнан бирле рәсми рәвештә авыруның 29 707 очрагы расланган. Татарстанның 24 636 кешесе, шул исәптән 25е узган тәүлектә, савыккан.
Гомумән алганда, Татарстанда 1 426 700 кеше коронавирустан прививка ясаткан. Вакцинацияләнүчеләр санының көнлек артуы 31 300 тәшкил итте. Шул ук вакытта 1 008 592 кеше вакцинаның ике дозасын да алган.
Кызыклы яңалыкларны күзәтеп бару өчен Телеграм-каналга язылыгыз