Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Геннадий Онищенко 2021 ел башында коронавирус пандемиясенең чигенәчәген фаразлады
Һәр кеше эпидемиологиягә каршы чараларны төгәл үтәгән очракта бу иртәрәк тә булырга мөмкин.
(Казан, 25 октябрь, «Татар-информ»). Россиядә коронавирус инфекциясе йоктыручылар саны быелның ахыры – киләсе ел башында кими башларга, ә һәр кеше эпидемиологиягә каршы чараларны төгәл үтәгән очракта бу иртәрәк тә булырга мөмкин. Россиянең элеккеге баш санитар табибы, РФ Фәннәр академиясе академигы, Дәүләт Думасындагы Мәгариф һәм фән комитеты рәисенең беренче урынбасары Геннадий Онищенко шундый фикерләре белән уртаклашты.
«Әгәр үзебезгә карата белдерелгән барлык таләпләрне дә үтәсәк, ул чагында без чирне бик кыска вакыт эчендә җиңә алачакбыз: чир йогудан туктый, барлык авырулар да терелә һәм вәссәлам», - диде Онищенко.
Ул билгеләп үткәнчә, теләсә нинди грипп инфекциясе 7-9 атна дәвам итә: ул ике атна көчәя, ике-өч атна югары дәрәҗәдә саклана, аннары кими башлый. «Әгәр шуннан чыгып фикер йөртсәк, гриппның инкубация чоры – җиде, коронавирус инфекциясенең - 14 көн. Бу санны икегә тапкырлаган очракта да, коронавирусның грипп кебек үк йогышлы түгел икәнлеген искәртергә кирәк. Димәк, инфекциянең 14-18 ай, ягъни өч айдан (ноябрь, декабрь, гыйнвар) соң чигенә башлаячагын фаразларга мөмкин», - диде Онищенко.
Кызыклы яңалыкларны күзәтеп бару өчен Телеграм-каналга язылыгыз