Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллының баш санитар табибы лифтларны коронавирус йоктыру чыганагы дип атады
Илгизәр Бариев лифт һәм подъездларны яхшылап дезинфекцияләргә киңәш итте.
(Казан, 25 май, «Татар-информ», Александра Давыдова). Чаллыда яшәүчеләр яңа төрдәге коронавирус инфекциясен лифтта да йоктырган булырга мөмкин. Чаллының баш санитар табибы Илгизәр Бариев шундый фикерен белдерде. Бу хакта «Челнинские известия» газетасы яза.
«Лифтлар кулланыла торган йортларда алар коронавирус йоктыру чыганагына әверелде. Бер подъезддан торган күп катлы бер йортта гына да өч кеше коронавирус инфекциясе эләктергән. Моннан шундый нәтиҗә ясарга була - лифт һәм подъездларны яхшылап дезинфекцияләргә кирәк», - диде Бариев һәм шәһәрдә 3,6 меңнән артык лифт булуын искәртте.
Узган атнада Чаллыда элегрәк коронавирус инфекциясе йоктырган авырулар белән аралашкан алты кеше үзизоляция режимын бозган. Бүгенге көндә Автокалада 2,5 меңнән артык кеше карантинда утыра. Чаллыда яңа төрдәге коронавирус инфекциясе 395 кешедә ачыкланган, шуларның 109ы терелгән. Өч пациент үлгән.
Кызыклы яңалыкларны күзәтеп бару өчен Телеграм-каналга язылыгыз