Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Коронавирус белән авырганнан соң иммунитет сигез ай саклануы ачыкланган
Коронавирус инфекциясе белән авырганнан соң, 20 көн үтүгә үк пациентларда антитәнчекләр күләме кими башлый.
(Казан, 24 декабрь, «Татар-информ»). Коронавирус инфекциясе белән авырган кешедә иммунитет ким дигәндә сигез ай дәвамында саклана. Бу хакта «Известия» газетасы Science Immunology электрон китапханәсенә сылтама белән хәбәр итә.
Монаша Университетының (Мельбурн) иммунология һәм патология кафедрасы профессоры Менно ван Зельма җитәкчелегендәге галимнәр төркеме ачыклаганча, инфекция йоктырганнан соң SARS-CoV-2 вирусы В-күзәнәкләренең хәтерен формалаштыра. Аның срогы сигез айга кадәр җитә һәм бу пациентларга инфекцияне кабат йоктырган очракта өзлегүләрне булдырмаска мөмкинлек бирә.
Материалларда хәбәр ителгәнчә, иреклеләрдән алынган канның 36 үрнәгенә анализ ясалган. Тикшеренүләр инфекция йоктырганнан соң 20 көн үткәч антитәнчекләрнең күләме кими башлавын күрсәткән. Әмма хәтернең В-күзәнәкләре шушы айлар дәвамында табылган.
Кызыклы яңалыкларны күзәтеп бару өчен Телеграм-каналга язылыгыз