Түбән Камага «Совигрипп» вакцинасының 24 мең дозалы партиясе кайтты
Прививка ясату өчен алдан язылу таләп ителми.
Скопировать ссылку
(Казан, 24 октябрь, «Татар-информ»). Түбән Камага «Совигрипп» вакцинасының яңа партиясе кайтты, өлкән кешеләр өчен барлыгы 24 мең доза булды. Быел прививка аеруча актуаль, чөнки микст-инфекция — бер үк вакытта ковид һәм грипп белән зарарлану куркынычы бар. Бу турыда Түбән Кама муниципаль районы рәсми сайтында хәбәр ителә.
Вакцина сырхауханәләргә бүленгән инде. Гриппка каршы прививканы киләсе атна башыннан ясатырга мөмкин булачак. Моның өчен яшәү урыны буенча сырхауханәгә, участок терапевтына амбулатор карта белән килергә кирәк. Табиб пациентны прививка кабинетына вакцинациягә җибәрәчәк. Прививка ясату өчен алдан язылу таләп ителми.