Татарстанда коронавирус инфекциясенең 44 яңа очрагы ачыкланган

Бүгенге көндә республикада ковидның 19 меңнән артык очрагы теркәлгән.

Скопировать ссылку

(Казан, 24 март, « Татар-информ», Диләрә Галиева). Татарстанда коронавирус инфекциясенең 44 яңа очрагы ачыкланган.

Шуларның 43е - элемтә юлы белән йоктырылган, берсе читтән кертелгән. Бу хакта ТР Сәламәтлек саклау министрлыгының матбугат хезмәтендә хәбәр иттеләр.

«13 кеше хастаханәгә салынган, 20 кеше өйдә дәвалана», — диелә хәбәрдә.

Зарарланучыларның күбесе Казанда (21 кеше) теркәлгән. Бөгелмә, Буа һәм Спас районнарында дүртәр яңа очрак билгеле.

Пандемия башланганнан бирле Татарстанда ковидның 19 мең 153 очрагы ачыкланган. 15 мең 909 кеше терелгән.

Бүгенге көндә республикада 117 меңнән артык кешесе вакциналаштырылган, аларның 75 меңнән артыгы прививканың икенче дозасын алган инде.

#коронавирус