Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Апрель-май айларында яңа төрдәге коронавирусның активлыгы кимиячәген фаразлыйлар
Россия Сәламәтлек саклау министрлыгының баш штаттан тыш эпидемиологы искәртүенчә, Covid-19 коронавирусының куркынычын киметергә ярамый, шул ук вакытта паникага бирелергә дә кирәкми.
(Казан, 24 март, «Татар-информ»). Россия Сәламәтлек саклау министрлыгының баш штаттан тыш эпидемиологы Николай Брико фикеренчә, апрель-май айларында яңа төрдәге коронавирусның активлыгы кимергә тиеш. Бу хакта ТАСС агентлыгы хәбәр итә.
«Ничек кенә булмасын, сезон алышыну белән аның активлыгы кимер дип уйлыйм», - диде Брико.
Аның сүзләренчә, яңа инфекциянең дөнья бергәлегенең зур өлешен колачлап алачагына бәйле фаразга ышанырга кирәкми. Коронавирусны кисәтү буенча чаралар комплексы аның таралуын тыеп тора.
Сәламәтлек саклау министрлыгы белгече искәртүенчә, Covid-19 коронавирусының куркынычын киметергә ярамый, шул ук вакытта паникага бирелергә дә кирәкми.
«Әлеге инфекциягә карата игътибарлырак булсак һәм аның алга таба таралуына юл куймас өчен барысын да эшләсәк иде», - диде Брико. Ул билгеләп үткәнчә, кайбер кешеләр инфекцияне авыр кичерә һәм алар аның корбаны булырга мөмкин.
Кытайның әйдәп баручы вирусологларыннан берсе Европа илләре коронавирусны тиз генә җиңә алмаячагы, моның өчен континентка ике елга якын вакыт кирәк булачагы хакында белдергән иде инде.
Кызыклы яңалыкларны күзәтеп бару өчен Телеграм-каналга язылыгыз