Җәмгыять 24 февраль 2021 10:23

Швейцариядә «Спутник V» вакцинасын экспорт хиты дип атадылар

Мәкалә авторы коронавирустан Россия вакцинасының өстенлекләре турында сөйләде.

Скопировать ссылку

(Казан, 24 февраль, «Татар-информ»). Яңа коронавирус инфекциясеннән «Спутник V» Россия вакцинасы чын экспорт хитына әверелде.

Швейцариянең Neue Zurcher Zeitung басмасында басылган мәкалә авторы шундый фикер белән уртаклашты, дип хәбәр итә РИА Новости.

Материалда Biontech/Pfizer һәм Moderna компанияләренең шундый ук продуктларыннан Россия препаратларының өстенлекләре күрсәтелә. Шулай ук мәкалә авторы яхшы өйрәнелгән аденовирус платформасы нигезендә вакцинаның нәтиҗәлелеге раслануына басым ясый.

«Спутник V» вакцинасының ике дозасында ике төрле вирус кулланылганлыктан, аның нәтиҗәлелеге, структура буенча охшаш AstraZeneca вакцинасы белән чагыштырганда, югарырак. Россия препаратының өстенлеге - аның бер дозасы 10 доллар чамасы тора, дип яза басма.

Элегрәк Япония аналитигы Кадзухико Фудзи коронавирустан төрле вакциналарны чагыштыру турындагы мәкаләсен бастырган иде һәм ул анда «Спутника V» вакцинасының нәтиҗәлелеген таныган.

Сәхифәләр

Швейцариядә «Спутник V» вакцинасын экспорт хиты дип атадылар