Кытайдан Казанга кайткан өч пассажирны хастаханәгә салганнар

Билгеле булганча, аларның өчесе дә Татарстаннан - Кытайда туристлар сыйфатында сәяхәттә булган.

(Казан, 24 гыйнвар, «Татар-информ»). Кытайдан Казанга кайткан өч пассажирны хастаханәгә салганнар. Бу хакта «Татар-информ»га үз чыганагы хәбәр итте.

Бүген «Казан» халыкара аэропортына иртәнге унберенче яртыда Кытайның Санья шәһәреннән самолет төшә.

Бераз соңрак анда булган өч пассажир табибларга мөрәҗәгать иткән. Аларда югары температура һәм кискен респиратор вируслы инфекция билгеләре ачыкланды. Авыруларны кичекмәстән хастаханәгә салганнар.

Билгеле булганча, госпитализацияләнгән барлык кешеләр дә - Татарстаннан. Алар Кытайдага туристлар сыйфатында барган.