Җәмгыять 23 май 2021 17:56

Юрист 2021 елда кемнәрнең шифаханәдә бушлай ял итә алачагы хакында сөйләде

Медицина күрсәтмәләре булган очракта илебезнең һәр гражданины мәҗбүри медицина иминияте полисы буенча шифаханәгә юллама алу хокукына ия.

Скопировать ссылку

(Казан, 23 май, «Татар-информ»). 2021 елда шифаханәдә ике юл белән бушлай дәваланып булачак. Аның беренчесе – әгәр кеше билгеле бер ташламалардан файдаланса, инвалид таныклыгы булса яки тиешле дәвалану һәм тернәкләндерү курсларын таләп иткән берәр авырудан интексә. Икенче юл – медицина күрсәтмәләре буенча.

Бу хакта «Российская газета» юридик фәннәр докторы, Россиянең атказанган юристы Иван Соловьевка сылтама белән хәбәр итә.

Ул билгеләп үткәнчә, медицина күрсәтмәләре булган очракта илебезнең һәр гражданины мәҗбүри медицина иминияте полисы буенча шифаханәгә юллама алу хокукына ия. Моның өчен үзеңнең участок терапевтына мөрәҗәгать итәргә кирәк. Ул медицина күрсәтмәләре булган һәм дәвалауның килешмәвен күрсәтә торган билге булмаса, табиблар комиссиясенә юллама бирә.

«Әйтергә кирәк, авырулар исемлеге шактый киң, хәтта баш авырткан һәм йокы бозылган очракта да шифаханәдә дәвалану кирәклеге турында сөйләргә мөмкин. Табиблар комиссиясе өчен күп кенә документлар җыярга һәм анализлар тапшырырга кирәк. Шуннан соң 20 көн эчендә комиссия юллама бирү-бирмәү турында карар кабул итәргә тиеш. Карар уңай булган очракта гражданинга юллама биреләчәк һәм ул шуның нигезендә мәҗбүри медицина иминияте полисы һәм чират буенча хезмәт күрсәтә торган шифаханәгә путевка алачак», - дип искәртте юрист.

Сәхифәләр

Юрист 2021 елда кемнәрнең шифаханәдә бушлай ял итә алачагы хакында сөйләде