Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Роспотребнадзор: Дельта-штамм берничә айда ковидның башка төрләрен кысрыклап чыгарды
Әлеге штамм Россиядә апрель ахырында барлыкка килде.
(Казан, 22 сентябрь, «Татар-информ», Сельвина Илькаева). Россиядә дельта-штамм берничә ай эчендә ковидның башка төрләрен кысрыклап чыгарган.
Бу хакта Кулланучы хокукларын яклау һәм кеше иминлеге өлкәсендә күзәтчелек федераль хезмәтенең Эпидемиология фәнни-тикшеренү институтының кеше авыруларын диагностикалауның яңа алымнарын уйлап чыгару төркеме җитәкчесе Камил Хафизов белдерде.
Белгеч фикеренчә, коронавирусның башка билгеле мутацияләренең «дельта» каршында өстенлекләре юк. Әлеге штамм Россиядә апрель ахырында барлыкка килде һәм җәй уртасына инде өстенлек итүче төргә әйләнде, дип яза РИА Новости.
«Берничә ай эчендә „дельта“ штаммы калган бөтен геновариантларны кысрыклап чыгарды һәм августтан бирле без тикшеренүләрдә үрнәкләрнең йөз процентка кадәр вирусның шушы вариантына каравын күзәттек», — дип аңлатты Хафизов.
Үлемгә ешрак китерә торган (аеруча өлкән яшьтәгеләрне) «йота» варианты беренче тапкыр 2020 елның көзендә теркәлде, әмма ул бик кадәр таралмады. Роспотребнадзор белгече сүзләренчә, «дельта» барлык илләрдә дә таралган — секвенирование процессы киң кулланыла торган җирләрдә авыру йоктыруның 99 процент очрагы коронавирусның шушы мутациясенә туры килә.
Кызыклы яңалыкларны күзәтеп бару өчен Телеграм-каналга язылыгыз