Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Воронежда авариядә имгәнгән Әлмәт кешесен Казан хастаханәсенә вертолетта кайтаралар
25 яшьлек кыз 9 сентябрьдә юл һәлакәтендә җитди имгәнүләр алган.
(Казан, 22 сентябрь, «Татар-информ»). Воронеж шәһәре янында юл һәлакәтенә очраган Әлмәттә яшәүче хатын-кызны Республика клиник хастаханәсенә санитар авиация вертолеты кайтара. Бу хакта «Татар-информ»га Татарстан Республика клиник хастаханәсенең матбугат хезмәтендә хәбәр иттеләр.
Һәлакәт Воронеж өлкәсендә 9 сентябрьдә булган — машина йөртүче идарәне югалткан һәм автомобиль юл кырыена төшеп киткән.
«Авариядә өч кеше зыян күргән, аларның икесе җиңелчә җәрәхәтләнгән. Зыян күргән өченче кеше артыннан бүген иртән Воронежга Татарстан Республика клиник хастаханәсенең санитар авиациясе вертолеты очты», — диделәр хастаханәнең матбугат хезмәтендә.
Әлмәттә яшәүче 25 яшьлек хатын-кызны бүген кичкә вертолет Республика клиник хастаханәсенең травматология үзәгенә кайтарырлар дип көтелә.
Медицина учреждениесе матбугат хезмәте мәгълүматы буенча, бу — хастаханәдәге санитар авиациясенең шундый ерак арага беренче очышы.
Кызыклы яңалыкларны күзәтеп бару өчен Телеграм-каналга язылыгыз