news_header_top_970_100
16+
news_header_bot_970_100

Россиядә коронавирустан өченче вакцинаны сыный башлаячаклар

Клиник сынаулар этабы 2020 елның ноябрендә тәмамланырга тиеш.

(Казан, 22 сентябрь, «Татар-информ»). Тиздән Россиядә коронавирус инфекциясеннән өченче вакцина сынаулары башланачак. Препаратны М.П. Чумакова үзәге әзерли . Клиник тикшеренүләрне үткәрүгә РФ Сәламәтлек саклау министрлыгы тарафыннан рөхсәт бирелде, дип хәбәр итә РИА Новости.

Клиник сынауларда 3 меңнән артык ирекле кеше катнашуы планлаштырылган. Прививкадан соң алар стационарда 16 көн дәвамында булачаклар. Вакцина Кировта, Санкт-Петербургта һәм Новосибирскида сыналачак, дип сөйләделәр РФ Сәламәтлек саклау министрлыгында.

Үзәкнең генераль директоры, Россия Фәннәр Академиясе әгъза-корреспонденты Айдар Ишмөхәммәтов сүзләренчә, клиник сынаулар этабы 2020 елның ноябрендә тәмамланырга тиеш.

autoscroll_news_right_240_400_1
autoscroll_news_right_240_400_2
news_bot_970_100